De violíns acuáticos

Ola a todxs!

Hoxe imos falar dos instrumentos da familia da corda fretada: violín, viola, violonchelo e contrabaixo. Chámase corda fretada porque para que soen, hai que facer vibrar as cordas cun ARCO.

Comezamos cun conto para os máis pequenos: "Música bajo el agua"

Estos instrumentos teñen algunhas partes cun nome moi curioso: caracol, noz, efes, ponte, cordas... Hai que engadir tamén o ARCO, que é co que se frotan as cordas. Estas son as súas partes: 

O máis pequeno da familia, e polo tanto mais agudo, é o VIOLÍN. Fixádevos nesta peciña que hai partes nas que a violinista pellizca as cordas cos dedos, a ese efecto chámaselle PIZZICATO. Esta obra é o Zapateado de Pablo Sarasate, un gran violinista español que facía pezas ben complicadas:

O seguinte en tamaño é a VIOLA, polo tanto o seu son será un pouco máis grave que o violín. Tócase igual que o violín, apoiado no hombro. Se te fixas, seguro que notas que é un pouquiño mais grande e que non acada notas tan agudas como o facía o violín.

O seguinte é o VIOLONCHELO. É mais grande que os anteriores por iso hai que tocalo sentado. E como te imaxinas, o seu son é máis grave aínda. 

Por último está o CONTRABAIXO. É tan grande que o hai que tocar de pé e o seu son é mooooi grave. Escoita, escoita...

O coñecido como CUARTETO DE CORDA, xeralmente está formado por dous violíns, unha viola e un violonchelo. Saberías recoñecelos neste vídeo???

As cordas son a familia máis numerosa nas orquestras. Sempre están situados os violíns á esquerda do director, despois as violas no centro, e á dereita os violonchelos e os contrabaixos. 

O violín era o instrumento preferido dun compositor que xa coñecedes, Antonio Vivaldi, autor das Catro Estacións. Mirade a este xoven violinista tocando un fragmento do Verán... Que pasada, eh!?

Pero imos centrarnos aínda máis en reis, música e auga. Moitos anos antes, en 1717 alguen fixo algo parecido ao Rei Tralarí. Aconteceu en Inglaterra hai 300 anos. O rei Jorge quixo facer unha festa a bordo dunha barcaza polo río Támesis e encargoulle a Haendel a composición da música.

Río Támesis en Londres un día de festa

Georg Friedrich Haendel (1685-1759) foi un compositor alemán aínda que afincado en Inglaterra. 

Haendel

 O que fixo Haendel foi compoñer Música acuática (Water music). Dádevos conta que por aquel tempo non existían os móbiles, radios, etc. para escoitar música. E se querían escoitala, tíñana que facer eles ou levar os seus músicos. Así, Haendel iría co rei na barcaza e os músicos noutra preto do rei, interpretando a súa partitura.

Barcaza na que ían Haendel e o rei Jorge

Poñede a vosa perruca imaxinaria, coma a de Haendel, pechade os ollos e imaxinádevos navegando por un ancho río de Londres mentres os músicos interpretan esta obra nunha barca.

Observade... se vos fixades hai instrumentos diferentes. Neste vídeo tocan con instrumentos antigos, da época de Haendel. 

Listos? Subimos a bordo e navegamos con Haendel e a súa Water Music

Podedes enviarme os vosos debuxos dos instrumentos da familia da corda fretada ou mesmo a orquestra de Haendel, tocando polo río Tamesis. Mesmo podedes construir o voso instrumento de corda fretada con materiais de refugallo que teñades pola casa. Que vos parece?

abandadoarmando@gmail.com

Ata a próxima!!!