Viaxamos a Oceanía

Ola a todxs!

Hoxe imos ter que viaxar ben lonxe, estades preparados?

Imos descubrir o continente máis pequeno do planeta: Oceanía

Este continente atópase no Océano Pacífico. Está formado por Australia, as illas de Nova Guinea, Nova Zelanda e os arquipélagos de Melanesia, Micronesia e Polinesia.

O territorio máis extenso é Australia. A súa capital é Canberra aínda que Sidney é a cidade máis poboada. Fálase o inglés aínda que tamén existen linguas indíxenas. A súa moneda é o dólar australiano. 

Nova Zelanda é a seguinte illa en extensión. A súa capital é Wellingtong aínda que a cidade mais habitada é Auckland. Fálase o inglés, maorí e unha lingua de señas neozelandesa.

Un dos lugares máis espectaculares de Oceanía é a Illa de Pascua. Tamén coñecida como Rapa Nui, é unha illa de Chile aínda que estea ubicada na Polinesia (Oceanía). A súa capital é Hanga Roa.

Pero o máis curioso desta illa é que posúe un gran misterio. Unhas grandes estatuas sorprendentes

Queredes escoitar e ver un conto australiano? Mirade esta lenda do canguro e do cazador.

E que me dicides da canción australiana Kookaburra! Cantámola en inglés?

En canto á música, tamén posúe instrumentos e unha tradición moi curiosa:

Sen dúbida un dos máis representativos é o DIDJERIDOO. Mirade que son tan curioso emite

Lembrades algunha peli que trate sobre algún país de Oceanía? Eu creo que si sabedes... En concreto alguén que ten que ir a Australia, a Sidney, a buscar ao seu fillo... 

Anímovos a que sigades investigando máis cousas deste incrible territorio! É sorprendente!

=D